كلمات | شوفو سوريا |
دراسات | رياضة |
فريـش | بزنس |
وجهات نظر | الموقف اليوم |
محليات | احوال البلد |
فن الممكن | عيادة زنوبيا |
افضح الفساد |
نشرت ناشطة على الفيس بوك تدرس في كلية الآثار والمتاحف قصة العملة السورية الجديدة ومدلولاتها وهكذا شرحت الطالبة ما تحكيه كل صورة على العملة السورية الجديدة
كتار ما حبو العملة السورية الجديدة اللي نزلت عالسوق وخاصة ال500 الجديدة .. بس اللي مو واضح لكتيرين هي القصة اللي عم تحكيها كل قطعة من هدول ورح بلش وحدة وحدة:
- الـ50 ليرة: على الوجه الأمامي منشوف رقيمين طينيين.. الخلفي رقيم مقطعي من إيبلا والأمامي الرقيم الأبجدي المشهور من أوغاريت.. أما الوجه الخلفي منلاحظ مكتبة الأسد والخلفية هي عبارة عن (سورية) مكتوبة بخمس لغات قديمة متسلسلة (أوغاريتي.. آرامي.. تدمري.. عربي جنوبي.. عربي)
يعني الخمسين عم تحكي عن تطور الكتابة بسوريا
- الـ100 ليرة: بالنسبة للوجه الأمامي معلمين من بصرى.. بس القصة موجودة عالوجه الخلفي: طرف عليه عملة قديمة يونانية وعلى الطرف التاني خزنة الجامع الأموي أو بيت المال.. وبالوسط مصرف سوريا المركزي..
يعني المية ليرة عم تحكي عن تطور التعاملات المالية بسوريا
- الـ200 ليرة: إذا حدا قدر يلاقيلي الربط بين الوجه الأول معالم حماه الشهيرة والوجه الخلفي سقف قدس القداس بمعبد بل ينورني
- الـ500 ليرة: على الوجه الخلفي موجود الرقيم الطيني لأقدم نوتة موسيقية وجدت بأوغاريت بالإضافة للوحة ميريامين الفسيفسائية اللي بتعرض أحد جوانب الحياة الاجتماعية والفنية بسوريا بالقرن الرابع الميلادي.. وبالنسبة للوجه الأمامي فعليه دار الأوبرا السورية
يعني الخمسمية ليرة عم تحكي عن تطور الفن والموسيقى بسوريا عبر العصور
اللي عملن مبدع وما حدا يقللي مو حلوين لأنه الفكرة كتير ذكية ومهمة لتعرّف الناس ع بلدها أكتر وتسلط الضوء ع قطع كانت موجودة بمتاحفنا ومغمورة وسلسلتها بطريقة مبسطة لكل الناس ..
مين قال دراسة الآثار ما بتنفع ؟؟
جميع حقوق النشر محفوظة الي أنا رهف حموي لأني تعذبت كتير بالتفكير.. شكرا
جميع الحقوق محفوظة 2024 © موقع زنوبيا الإخباري
Powered by Ten-neT.biz An Internet Company